काठमाडौं। राष्ट्रिय स्वतन्त्र पार्टी (रास्वपा)बाट राजदूत बन्नका लागि करिब १०० जनाले आवेदन दिएका छन्। असार १० गते रास्वपाले राजदूतका लागि आवेदन माग गरेको थियो।

मागअनुसार बुधबारसम्म करिब १०० जनाले आवेदन दिएको  रास्वपा अन्तर्राष्ट्रिय सम्बन्ध विभागका प्रमुख शिशिर खनाले बताए। आवेदनका लागि शुक्रबारसम्म समय रहेको छ।

असार ६ गते प्रधानमन्त्री पुष्पकमल दाहाल ‘प्रचण्ड’, नेकपा एमालेका अध्यक्ष केपी शर्मा ओली र गृहमन्त्री तथा रास्वपा सभापति रवि लामिछानेबीच राजदूतमा भागबन्डा भएको थियो।

जसमा रास्वपाले २ जना राजदूत नियुक्तिका लागि भाग पाएको थियो। २ जनाका लागि १०० जनाको आवेदन परेको छ।