काठमाडौं। इजरायलमा हमास नेतृत्वको आक्रमण भएको एक वर्ष पूरा भएको छ। तर बन्धक बनाएका ९७ जनाबारे अहिलेसम्म केही पत्ता लागेको छैन।

सन् २०२३ अक्टोबर–७ मा हमासले २५१ इजरायलीसहित विदेशी नागरिकलाई बन्धक बनाएको थियो।

यो ती व्यक्तिहरूको कथा हो। जो अहिलेपनि बन्धक छन्। जसको पुष्टि बीबीसीलगायत विश्वसनीय सञ्चार माध्यमहरूले गरिसकेका छन्।

अपहरण भएका व्यक्तिहरूकाे मृत्यु भएकाे वा नभएकाे नभनेर अहिलेसम्म पुष्टि भइसकेकाे छैन।

बिपीन जाेशी: २३ वर्षीय नेपाली विद्यार्थी विपिन जोशी किबुज आलुमिमबाट अपहरणमा परेको आशंका गरिएको छ।

जोशीको परिवारले इजरायली गुप्तचरबाट विपिनको फोन गाजामा भेटिएको पुष्टि गरेको थियो।

एमिली डमारी: २८ वर्षीया एमिलीसँग बेलायत र इजरायलको दोहोरो नागरिकता छ। उनलाई किबुट्ज कफर अज्जाबाट बन्धक बनाइएको थियो।

बन्धकबाट रिहा भएकाहरूले एमिलीसँग सम्पर्कमा रहेकाे उनकी आमाले बताएकी थिइन्।

लेक्ज्याण्डर (साशा) ट्रोफानोभ: अलेक्ज्याण्डरलाई आमा लेना, पार्टनर सपिर कोहेन र हजुरआमा इरिना टाटीसँग बन्धक बनाएकाे थियाे।

सबैलाई किबुट्ज निर ओजबाट अपहरण गरिएको थियो जब तिनीहरू सब्बथको लागि सँगै समय बिताउँदै थिए। तर २०२३ सालमै इरिना, सपिर र लीना भने रिहा भइसकेका छन्।

एरियल कुनियो, अर्बेल याहुद: २७ वर्षीय एरियल र उनका २९ वर्षीय साथी अर्बेललाई निर ओजमा भएको आक्रमणमा अपहरण गरिएको थियो।

हमासकाे नियन्त्रणबाट भागेका एरियलका भाइले यहूदी क्रनिकललाई भने कि एरियलको अन्तिम सन्देश थियो: ‘कोठाभित्र एक डरलाग्दो चलचित्रमा छौं।’

डेविड कुनियो: एरियलका ३४ वर्षका भाइ डेविड पनि नीर ओज द्वारा अपहरण गरिएको थियो।

डेविडकी श्रीमती शेरोन कुनियो र उनीहरूका तीन वर्षीय जुम्ल्याहा छोरी एम्मा र युलीलाई नोभेम्बर २०२३ मा रिहा गरिएको थियो।

डोरोन स्टेनब्रेचर: हमासले आक्रमण गर्दा ३१ वर्षीया भेटेरिनरी नर्स किबुट्ज केफर अज्जाको आफ्नो अपार्टमेन्टमा थिइन्।

७ अक्टोबर बिहान उनले आफ्ना साथीहरूलाई भ्वाइस सन्देश पठाइन्, ‘उनीहरू आइपुगेका छन्, उनीहरूले मलाई उनीहरूसँग राखेका छन्।’

नामा लेवी: २० वर्षीया नामा लेवीलाई जिपमा बन्डल गरिएको देखाइएको थियो, उनको हात उनको पछाडि बाँधिएको थियो।

हमासले सार्वजनिक गरेको भिडियाे उनीहरूले आफ्नो सामाजिक सञ्जाल अकाउन्टबाट शेयर गरेका थिए। लेवीकी आमाका अनुसार लेवीले भर्खरै सैन्य सेवा सुरु गरेका थिइन्।

युसूफ़ ज़्यादना: ५३ वर्षीय योसेफ एक किसान हुन्। उनलाई किबुट्ज होलिटबाट अपहरण गरिएको थियो।

उनीसँगै उनका छोरा हम्जा (२३ वर्ष), बिलाल (१९ वर्ष) र छोरी आयशा (१७) पनि अपहरणमा परेका थिए। आयशा र बिलाल नोभेम्बर २०२३ मा रिहा भइसकेका छन्।

ओहद बेनी अमी: अमी आफ्नी श्रीमती राजसहित बिरीबाट अपहरणमा परेका थिए। उनकी श्रीमतीलाई पछि हमासले रिहा गरिदियाे।

गाली र जिभ बर्मन: जुम्ल्याहा गाली र जिभलाई  काफ्र अजाबाट अपहरण गरिएकाे थियाे। आक्रमणको समयमा जिभले एक साथीलाई सन्देश पठाउँदै थिए।

इजरायली सेनाले दुवै दाजुभाइलाई गाजामा हिरासतमा राखिएको जानकारी दिएको उनीहरूको परिवारले जनाएको छ।

श्लोमो मन्सुर: इराकमा जन्मेका ८६ वर्षीय मन्सुरलाई किबुट्ज किसुफिमबाट अपहरण गरिएको थियो।

जहाँ उनी बस्थे र प्रबन्धकको रूपमा काम गर्थे। त्यतिबेला उनकी श्रीमती भने भाग्न सफल भएकी थिइन्।

ड्यानिएला गिल्बोआ: गिल्बोआ किबुट्ज नहल ओजमा सिपाही थिए। जुलाई २०२४ मा हमासका बन्धकहरूको भिडियो रिलिज भएको थियो।

जुन भिडियोमा उनी आफू र अन्य बन्धकहरूलाई बचाउन इजरायली सरकारलाई अपील गर्दै देखिएका थिए।

मतन अंगरेस्ट: एक २१ वर्षीय इजरायली सिपाही अक्टोबर ७ मा ड्युटीमा थिए तर अहिले गाजामा रहेको बताइएकाे छ।

इटान र यायर हर्न: ३८ वर्षीय इटान र उनका भाइ यायर नीर ओजबाट आक्रमणको क्रममा अपहरण गरिएको थियो।

दुवै अर्जेन्टिनाका नागरिक हुन्। यायर निर्माण कार्यकर्ता हुन् भने ईटन शिक्षाको क्षेत्रमा काम गर्छन्।

किथ सिगेल: ६५ वर्षीय किथ आफ्नी पत्नी एड्रियनसँग घरमै बस्दा काफ्र अजाबाट अपहरण परेका थिए। तर एड्रियन भने नोभेम्बर २०२३ मा रिहा भएकी थिइन्।

ओडेड लिफशिट्ज़्ड: ८४ वर्षीय सेवानिवृत्त पत्रकार ओदेदलाई निर ओजले बन्धक बनाएको थियो। उनकी श्रीमती योचेभलाई पनि अपहरण गरिएको थियो तर अक्टोबर २०२३ मा रिहा गरिएको थियो।

ओमर न्युट्रा: २२ वर्षीय इजरायली-अमेरिकी ओमर प्रलयबाट बचेका नाति हुन्। हमासले आक्रमण गर्नुअघि उनी गाजा नजिकै ट्याङ्क कमाण्डरको रूपमा काम गरिरहेका थिए।

ओमरका आमाबुवाले भने कि उनीहरूलाई इजरायली दूतावासले ओमरकाे अपहरण भएको जानकारी दिएको थियो।

इत्ज़िक एल्गराट: ६९ वर्षीय इत्ज़िकलाई नीर ओजबाट अपहरण गरिएको थियो। समाचार अनुसार आक्रमणका क्रममा उनको हातमा गोली लागेको थियो। आक्रमणपछि गाजामा उनको फोन ट्र्याक गरिएको थियो।

गडी मोशे: ८० वर्षीय मोशेलाई कृषि विज्ञको रूपमा काम गर्ने निर ओजबाट अपहरण गरिएको थियो। आक्रमणमा उनका साथी इफ्रत काट्ज मारिए। उनी हमासको प्रचार भिडियोमा देखिएका थिए।

निमरोड कोहेन: २० वर्षीय कोहेन नाहाल ओजबाट अपहरणमा परेका थिए। कोहेनको अपहरणपछि उनका बुबा र अन्य बन्धकहरूका आफन्तहरूलाई पोप फ्रान्सिससँग भेट्न रोममा आमन्त्रित गरियो।

ताची इदान: ५० वर्षीय ताची हमास बन्दुकधारीहरूले नाहल ओजमा रहेको उनको घरबाट उठाएका थिए। यस हमलामा उनका जेठा छोरा मयानको गोली हानी हत्या गरिएकाे थियाे।

यार्डन बिबास: ३४ वर्षीय यार्डन बिबासलाई उनकी श्रीमती र दुई साना छोराछोरी एरियल र केफिरसहित निर ओजबाट अपहरण गरिएको थियो।

करिना अरिव: २० वर्षीया करिना अरिव नाहाल ओजको आर्मी बेसमा काम गर्ने क्रममा अपहरणमा परेकी थिइन्।

उनकी बहिनी अलेक्जान्ड्राले बीबीसीलाई बताइन् कि उनले गोली चलेको पनि सुनेकी थिइन्।

ओफेर काल्डेरोन: ५३ वर्षीय ओफर काल्डेरोनलाई हमासले नीर ओजबाट आफ्ना दुई छोराछोरी इरेज र सहरसहित अपहरण गरेको थियो।

यो आक्रमणमा परिवारका अन्य दुई जनाको मृत्यु भएको थियो। जसमा ८० वर्षीया कार्मेला डेन र उनकी १२ वर्षीया नातिनी नोया थिए। इरेज र सहर नोभेम्बर २०२३ मा छुटेका थिए।

ओम्री मिरान: ४७ वर्षीय ओम्री मिरान नाहाल ओजबाट अपहरणमा परेका थिए। उनकी श्रीमती लिशाले अन्तिम पटक श्रीमानलाई कारमा कतै लगेको देखेको बताइन्।

लिरी अल्बाग: १९ वर्षीय लिरी अल्बागले भर्खरै नहल ओज आर्मी बेसमा सैन्य प्रशिक्षण सुरु गरेका थिए तर उनी हमासकाे आक्रमण परे।

रिहा गरिएका बन्धकहरूमार्फत सन्देश पठाउन सफल भएको उनको परिवारले जनाएको छ।

ओहद याहलोम : ५० वर्षीय ओहद याहलोमीलाई उनको १२ वर्षीय बालक एतानसहित निर ओजबाट अपहरण गरिएको थियो। नोभेम्बरमा युद्धविरामका क्रममा उनी रिहा भएका थिए।

ताल शोहम: ३९ वर्षीय ताल शोहम किबुट्ज बेरीबाट पक्राउ परेका थिए। उनीसँगै उनकी श्रीमती एडी, दुई छोराछोरी र सासू डा. शोशम हरणलाई पनि पक्राउ गरिएको थियो।

तर उनी नोभेम्बर २०२३ मा रिहा भए। यस हमलामा डाक्टर हारानका श्रीमान् अवशालोमको मृत्यु भएको थियो।

सागुई डेकेल चेन: ३६ वर्षीय सागुई एक अमेरिकी इजरायली नागरिक हुन्। जो नीर ओजमा हमासको आक्रमण पछि बेपत्ता छन्।

अपहरणपछि उनकी श्रीमती अवितलले सहार नाम गरेको तेस्रो सन्तानलाई जन्म दिइन्। –बीबीसीकाे सहयाेगमा