वासिंगटन डिसी। क्यालिफोर्निया र लस एन्जलसको जङ्गलमा फैलिएको आगो समयसँगै झन् तीव्र बन्दै गएको छ।

आगलागीका कारण अहिलेसम्म २४ जनाको मृत्यु भइसकेको छ। लाखौं प्रयासको बाबजुद जो बाइडेन प्रशासन यो आगो निभाउन असफल भइरहेको छ। यसको मुख्य कारण यतिबेला अमेरिकामा आएको हिउँ आँधीका कारण चलिरहेको तीव्र हावालाइ मानिएको छ।

अर्कोतर्फ आगो निभाउने कामलाई तीव्रता दिन क्यालिफोर्निया र लस एन्जलसका जेल विभागहरूले बम्पर प्रस्ताव ल्याएका छन्। आगो निभाउन दमकललाई सहयोग गर्ने कैदीको सजाय घटाउने योजना बनाइएको छ। हरेक दिन आगो निभाउन सहयोग गरे बापत सजाय दुई दिन घटाउने सम्झौता भएको छ। साथै, तलब पनि छुट्टै दिइनेछ।

जसअनुसार कैदीहरूले अग्नि विभागसँगै लस एन्जलसमा कन्टेनमेन्ट लाइन खन्ने गरेको देखिएको छ भने क्यालिफोर्नियाको सुधार र पुनर्वास विभागका अनुसार अहिले जम्मा ९३१ कैदीहरू जङ्गलमा लागेको आगो निभाउन २४ घण्टा काम गरिरहेका छन्। क्यालिफोर्नियाको विनाशकारी जंगली आगोको फैलावटलाई ढिलो गर्न फायर लाइनहरू काट्दै र संरचनाहरू पछाडिबाट इन्धन हटाउने काम भइरहेको छ।

कैदीहरूको क्षमताको आधारमा उनीहरूलाई क्यालिफोर्निया र लस एन्जलसको जंगलमा लागेको आगो निभाउनको लागि प्रति दिन ५.८० डलर देखि १०.२४ अमेरिकी डलर भुक्तानी गरिन थालिएको छ। आपतकालीन सेवाहरूमा तोकिएको खण्डमा कैदीहरूले प्रति घण्टा थप १ डलर कमाउन सक्नेछन्। धेरैजसो कैदीहरूलाई आगो निभाउन मद्दत गरेकोमा २ का लागि १ क्रेडिट दिइन्छ।

जसको अर्थ कैदीहरूले आगो निभाउनको लागि आपतकालीन सेवाहरूमा काम गर्ने हरेक दिनको लागि आफ्नो सजाँयबाट दुई दिन थप छुट पाउन सक्छन्।
यस बाहेक सहयोगी कर्मचारीले १ क्रेडिटको लागि १ प्राप्त गर्नेछन्। जहाँ एक दिन काम गरेमा मात्र एक दिनको सजाय माफ हुनेछ।

क्यालिफोर्नियाको सुधार र पुनर्वास विभागका सचिव जेफ म्याकोम्बरले भने, ‘जङ्गलमा लागेको आगो क्यालिफोर्नियाका लागि ठूलो चुनौती हो, दमकल विभाग आगो निभाउन पूर्ण रूपमा समर्पित छ, हाम्रा कैदीहरू अग्नि नियन्त्रक र कर्मचारीहरूसँग मिलेर गरिरहेको काममा हिस्सा लिइरहेका छन्।’